منتديات فال للتزلج


 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 برائه طفل في المدرسة...بقلمي

اذهب الى الأسفل 
كاتب الموضوعرسالة
alikandro
عضو جديد
عضو جديد


ذكر
عدد الرسائل : 46
العمر : 27
العمل : طالب
المزاج : وش دخلك
تاريخ التسجيل : 28/10/2007

مُساهمةموضوع: برائه طفل في المدرسة...بقلمي   الأربعاء أكتوبر 31, 2007 4:22 pm

هذي قصه حقيقيه حدثت ل احمد احد من الاقارب
اتمنى القصه تعجبكم

شخصيات القصه
مها: الام.(قلبها طيب زياده عن الزوم تهتم بعيالها وااااااااااايد)
يوسف: الاب (طيب ومجتهد اكثر وقته يكون في الدوام لانه عنده اعماله الخاصه)
احمد: طفل صغير عمره 3سنوات.
مريم: اخته الكبيره وتحب احمد واااااااايد.
محمد: سواق خليجي يشتغل عند العائله.

الصبح الساعه 6ونص قمت الام من النوم صحت يوسف من النوم
الام "مها": يوسف يوسف قوم شوف الساعه كم وانت بعدك ما تجهزت
الاب "يوسف": تعبان خليني ارقد ,,ونجلب على الصوب الثاني
الام"مها": شفيك اليوم اول مره تكون كسول جذي ما تبا السير الدوام .
الاب "يوسف": احس عمري مصخن وحلجي يعورني.
الام" مها: حبيبي والله خلاص ارقد انا بسير اقوم احمد ومريم من الرقاد وبرجع لك ارتاح الحين.
طلعت مها من الغرفه رايحه غرفه مريم عشان تقومها تروح المدرسه.
الام"مها": مريم حبيبتي يالله قومي عشان اسيرين المدرسه
مريم تفتح عيونها بصعوبه: صباح الخير يمه,,, قامت وباست امها على راسها وعقب راحت الحمااااااااااااام.
الحين الام راحت تقوم البطل احمد الى بكون بطل هذي القصه
الام: حمود حماده قوم يا حبيب امك قوم.
احمد اول سنه له في المدرسه بروح على الروضه وعاد تعرفون اليهال كيف حد منهم يخافون وحد منهم لا بس احمد ما شاء الله كان متحمس يروح المدرسه على باله المدرسه بس العاب وهو بس الوحيد الموجود فيها.
احمد اول ما قام من النوم قال حق امه : ماماه اريد كافي
الام" مها": اصبحنا واصبح الملك لله حشا توك قايم من الرقاد تبا كافي يالله قوم نروح الحماااااااااااام بسبحك وبتتريق وعقب فالمدرسه بتاكل كافي.
الكل تجهز وتريق ويلسين ينتظرون السواق محمد,, ابو الاب يوسف فراح المستشفي واحمد ما شاء الله عليه يركض ويناقز يمين وجمال من الفرحه يبا يسير المدرسه.
السوق يضرب هرب :بيب بيب بيب
احمد يركض برع من غير شنطه ولا شي ويقول لسواق: انا اليوم بروح المدرسه المدرسه حلوه صح؟؟ فيها العاب وبحطون اغنيه شاطر شاطر.
السواق: هيه صح وايد حلوووووه المدرسه .
مريم اخت احمد تشل شنطه احمدوه وتحطها فالسياره وتركب والام تشوفهم من فوق,,, احمد يشوف امه ويسوي لها باي باي.
بعد 10دقايق وصلوا على المدرسه
مريم شلت شنطتها وتريد تمسك يد احمد عشان تدخله المدرسه
احمد يوم شاف ناس وااااايد واولاد خااااااااف.
مريم: يالله احمد نروح داخل المدرسه.
احمد يمسك في السواق محمد ويقول له ودني البيت ما ابا اروح المدرسه وبدا يصيح,,, كل الحماس الى كان في احمد راح يوم شاف الناس .
اما السواق" محمد" ما خلا احمد بروحه لانه صغير طبعا راح شل احمد ودخله المدرسه وراح معاه الفصل ويلس وياه شوي واحمد ارتاح شوي وتوقف عن الصياح.
دخلت المعلمه الفصل وقالت ل سواق : لو سمحت اطلع برع
احمد يوم سمع هالكلام مسك في السواق مسكه وقعد يبكي بصوت عالي حتى وصل صوته عند مكتب المديره.
اما المعلمه مسكت احمد بقوه والسواق طلع برع بسرعه وهو يسمع صوت احمد يقول: محمد محمـــــــــــــد حرام لا تروح محمــــــــــــد وقعد يبكي ويبكي لدرجه ان من تحت عيونه صار لونهن اسود.
والمعلمه يوم شافت احمد جذي عشان تسكته قالت له نروح نسوي تلفون حق ماماااااااااااااااااااه,,, احمد فرح وااااايد يوم سمعت هالكلام وهز راسه.
راح احمد والمعلمه مكتب المديره عشان يسون تلفون ,,, عطت المعلمه احمد السماعه وقت له الرقم وقعد يرن التلفون ويرن
وبعد شوي .
الام: الوووو السلام عليكم
احمد: ماااااااااااااماه مااااااااااماه
الام: هلا احمد حبيبي شحالك؟؟؟
احمد: ماماه السواق محمد خلاني بروحي وراح عني مب حرام
الام: في خاطرها تضحك على كلام احمد كلامه حلوووو اينن وقالت له تري اختك مريم عندك بعد ليش الصيح انت شاطر
صح؟؟؟؟
احمد: صح
الام: يالله الحين سكر وروح ويا المعلمه الصف وقعد شاطر انزين
احمد من النوع الى ما يحب احد يقول له انت مب شاطر
وبعد شوي سكت احمد من الصياح بعد ما سمع صوت امه وقعد على الكرسي يشوف الاطفال ويمشي في الصف .
وفي الفرصه جت اخت احمد مريم تشوفه مريم" صف سادس" وكانت تمشي شوي شوي تبا تشوف احمد يصيح ولا لا عشان ما يحس فيها وكانت شاله له اكل سندويج وعصير وبطاطس دخلت مريم الصف واحمد ما حس فيها يوم شافها صرخ ميمي ليش خليتوني بروحي.
مريم: هلا احمدوه شحالك امسك العصير واشرب
وشل احمد العصير من يدهاااا ويقول لها انتى قعدي معاي هنيه لا تروحين
مريم: انت شاطر صح؟؟؟
يرد عليها احمد: هيه انا شاطر بس انتى لا تروحين عني وكل حين يعيد هذي الجمله لا تروحين عني لا تروحين.
وبعد ما خلصت الفرصه كانت مريم تبا تروح بس احمد مسك فيها وما خلاهاااا تروح .
جت المعلمه مسكت احمد من بطنه بقوه وسحبته وكان طفل صغير ويا احمد يوم شاف المعلمه مسكت احمد كان يريد يهرب من الصف
ولكن المعلمه مسكته باليد الثانيه وسكرت الباب برجولها بقولها بعد ما طلعت مريم طبعا من صف احمد وكان قلبها متقطع على احمد لان المعلمه عاملته بخشونه.
المهم وصلنا لنهايه قصه احمدووووووه
خلاص خلص الدوام وجا الدريول يشل احمد واخته البيت
اول ما ركب احمد السياره قال لسواق باجر ما بسير المدرسه المدرسه مب حلوووووه ويوم وصل البيت قال حق امه نفس الكلام وكانت امه ترد عليه وتقوله لا المدرسه حلوه وايد وبيعطونكم الوووووان وكل شي .
وفي اليوم الثاني راح احمد المدرسه بغصب ركبوه السياره وهو يصارخ ويركض يقول ما ابا ما ابا اروح المدرسه لين ما مسكوه وركبوه غصب السياره ويوم وصل نزل الدريول وشله على الفصل واول ما جاء احمد عطته المعلمه بلونه وفرح فيهاااا وايد وصار يحب يروح المدرسه وصار ما يخاف من الناس صار جري ما شاء الله عليه.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mot300
نائب المدير العام
نائب المدير العام
avatar

ذكر
عدد الرسائل : 1238
العمر : 29
العمل : طالب
المزاج : على كيفك
تاريخ التسجيل : 28/10/2007

مُساهمةموضوع: رد: برائه طفل في المدرسة...بقلمي   الأربعاء أكتوبر 31, 2007 4:47 pm

مشكور اخوي ولاتحرمناا من مواضيعك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
fal_x
مشرف عام للمنتدى
avatar

ذكر
عدد الرسائل : 568
العمل : مدرب
تاريخ التسجيل : 29/10/2007

مُساهمةموضوع: رد: برائه طفل في المدرسة...بقلمي   الأربعاء نوفمبر 14, 2007 10:39 am

يسلموووووووووووووووووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mrgog{fal}04
عضو متواصل ومثابر
عضو متواصل ومثابر
avatar

ذكر
عدد الرسائل : 661
العمر : 25
العمل : طالب
المزاج : على كيف كييييييفك
تاريخ التسجيل : 30/10/2007

مُساهمةموضوع: رد: برائه طفل في المدرسة...بقلمي   الأحد نوفمبر 18, 2007 5:04 pm

يعطيك العافية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بسطويسي
مشرف عام للمنتدى
avatar

ذكر
عدد الرسائل : 520
العمر : 28
العمل : جزار
المزاج : شاي بلبن
تاريخ التسجيل : 22/11/2007

مُساهمةموضوع: رد: برائه طفل في المدرسة...بقلمي   الثلاثاء نوفمبر 27, 2007 2:19 am

مشكور لاتحرمنا من موضيعك الحلوه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fal1.all-up.com/
ميدنيو
عضو نشيط جداً
عضو نشيط جداً


ذكر
عدد الرسائل : 467
العمر : 27
العمل : 'طالب
تاريخ التسجيل : 14/12/2007

مُساهمةموضوع: رد: برائه طفل في المدرسة...بقلمي   الجمعة ديسمبر 21, 2007 12:10 am

مشكوووووووووووور ويعطيك العافيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
blakdaeth
عضو مشارك
عضو مشارك
avatar

ذكر
عدد الرسائل : 89
العمر : 22
العمل : طالب
تاريخ التسجيل : 23/11/2007

مُساهمةموضوع: رد: برائه طفل في المدرسة...بقلمي   الجمعة ديسمبر 28, 2007 10:04 pm

مشكوووووووووووووووووووور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
برائه طفل في المدرسة...بقلمي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات فال للتزلج :: (¯`•.¸.منتديات فال الادبية.¸.•´¯) :: فال للقصص والحكايا-
انتقل الى: