منتديات فال للتزلج


 
الرئيسيةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 قصة فتاة سعوديه تموت ضحك دخل ماراح تندم

اذهب الى الأسفل 
كاتب الموضوعرسالة
هيبة ملك
المشرف العام
المشرف العام
avatar

ذكر
عدد الرسائل : 451
العمر : 27
العمل : طالب
تاريخ التسجيل : 29/10/2007

مُساهمةموضوع: قصة فتاة سعوديه تموت ضحك دخل ماراح تندم   الثلاثاء أكتوبر 30, 2007 4:53 am

هذاوحد توه معرس وخلصت الزفه والامور اللي في القصر.. اخينا في الله شغل (
يعني اخذ ) حرمته وركبوا في السياره .. ودعس للقصيم يعني اهل العروسه في الرياض
وهو ساكن بالقصيم

والبنيه تستحي ومبرطمه طول الطريق .. والرجال ماغير يسولف ويهذر والبنيه
سااااكته .. مااااا حولك احد

الرجال يأس من البنت انها تتكلم .. وقال يا ولد ما وراها هذرره اشغل المسجل
وامسك الخط
في الوقت نفسه البنت كانت حسرانه ومتوهقه انها بس تتكلم عشان تقوله ابي الحمام
الله يكرمكم
عاد هي طمرت على المرتبه الي ورا عشان تنسدح عشان يخف عليها الوجع .. الين
يوصلون محطه
المهم الرجال ما وعى الا هذيك محطه ويصفط عندها
وينزل عند البقاله وياخذ له كيس فصفص وكم ببسي حق الطريق
البنت على نزلت زوجها الا وتقز هذيك الحمامات حقت الحريم الي عند المسجد الي
جنب البقاله
قالت يابنت بيمديني اطمر واخلص وارجع قبل لا يرجع هو من البقاله
المهم المسكينه راحت واخذت وقتها
اخينا في هالوقت قد رجع للسياره وعلى باله مرته في المرتبه الي ورا وخبركم
بايه سودا واخر الليل ما انتبه انها مهيب في السيارة وهوشغل ودعسسسسسسسس
البنيه المسيكينه طلعت وهي مرتاااااااااااااااحه و نقص من وزنها كم من كيلووووو
وتناظر يا بنت وين السياره ... وتتلفت ما تشوف غير الهنود حق المحطه وابو يمن
حق البقاله
عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها
مهيب راضيه تصدق انه مشى .. جالسه تتأمل انه يمكن راح منا ولا منا وبيرجع

شوي ما وعت الا ذ1ك الجمس اللي مقبل يوم وقفوا عند البقاله الي جنبها

وتقز الحريم اللي في الجمس ... قالت زين عائله وتروح وترمي روحها على الحرمه
الي قدام .. وهي ام العيله وتقول لها خالتي انا داخله على الله ثم علييك ..
وهذي قصتي والعجوز مسكت راسها وقالت .. يابنيتي انتي تعرفين سيارت زوجك ..
قالت ايه اعرفها

قالت قومي اطمري نلحق على زوجك

ويعبون بنزين ويدعسون وراه
نعود الآن لصاحب الفصفص
اخينا في الله مريح وماشي .. بعد ما لقوه في الخط على بعد نص ساعة
عاد تخيل حبيب القارئ انك على طريق القصيم و فجأة وراك جمس يكبس بالنور بشكل
مخيف يبيك توقف وش رده فعلك
اكيد الرجال دعسسسسسسسسس قال ياولد هذولا مهابيل بيضروني ومعي عروستي ..
ويااافشيلة اذا انطقينا

والجمس وراه داعس يحاول معه انه يوقف .. المهم الذهين اللي يسوق الجمس عرف وش
يسوي .. فقام يولع

نورا لجمس اللي في الداخل عشان العريس يشوف ان اللي في الجمس عائله
..وأخيراااااااااااااا .. انتبه و يوقف ... قال وش عنده ذا... ونزل وهو معصب ...عاد من اللي متوهق في هالموقف .. اكيد هو راعي الجمس يقول في نفسه وشلون اقوله
ان مرته معنا
...يبي يجيبها بأسلوب تدريجي عشان العريس ما ينصدم .. خبركم مثل هالموقف وش
بيقولون عنك اهل العروسه ... اخذت بنتنا وضيعتها

ولله ان تلزق فيك السالفه طول عمرك و العالم يتمشووون ولا عندهم سالفة غيرك ..
تصير علك دائم الحلى .. ولا تصف يم علك ابو سهم .. يتشمتون فيك.. المهم راعي
الجمس سلم وقال له اخوي ما كأنك مضيع لك شي

قال له العريس ... لا ولله ما ضيعت شي ..قال له تأكد
..قال العريس ... وشلون .. قال راعي الجمس .. رح طل في سيارتك شف في شي ناقص لك
العريس قام يوسوس حتى المشكله مرته ما جت على باله
..المهم راح ودخل خشته داخل السيارة وقال يا مره في شي طاح مننا وحنى في المحطه ..محد رد عليه
...ويوم لون وجهه بدا يميل للكرت الاحمر.. ووووووووين راحت المره
ورجع لراعي الجمس وقال هات السالفه 00
...قال يا ولد مرتك لقيناها عند المحطه انا واهلي وقالت لنا انها ..نزلت للحمام وانت مشيت ولا دريت عنها 00 عاد العريس كل انواع النفاضات نزلت عليه تلعثم ولا قدر يتكلم
...المهم راعي الجمس راح وقال للعروسه يلااا طسي عند زوجك شوفيه متصوووومع عليك
...المهم العروسه ركبت مع زوجها في السياره وانطلق لسانها اللي كان مربوط وقامت تتعذر له .
....وتقول لا تزعل مني انا كنت مستحيه اني اقولك اني طول الخط وانا حسرانه .. وانت مشاء الله عليك ركبت السيارة وانطلقت
هههههههههه <== يا شين التميلح .. توها تتميلح .. عاد انقلب الوضع صار العريس
>هو اللي مبرطم طول الطريق والعروسه الي قاعده تبربر ما بقى الا انها هي اللي
>تسوووق .. عشان اخينا في الله مرتاع من اللي صار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هيبة ملك
المشرف العام
المشرف العام
avatar

ذكر
عدد الرسائل : 451
العمر : 27
العمل : طالب
تاريخ التسجيل : 29/10/2007

مُساهمةموضوع: رد: قصة فتاة سعوديه تموت ضحك دخل ماراح تندم   الثلاثاء أكتوبر 30, 2007 5:13 am

وين الردود
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mot300
نائب المدير العام
نائب المدير العام
avatar

ذكر
عدد الرسائل : 1238
العمر : 29
العمل : طالب
المزاج : على كيفك
تاريخ التسجيل : 28/10/2007

مُساهمةموضوع: رد: قصة فتاة سعوديه تموت ضحك دخل ماراح تندم   الثلاثاء أكتوبر 30, 2007 11:04 pm

مشكور اخوي ولاتحرمنااا من مواضيعك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mrgog{fal}04
عضو متواصل ومثابر
عضو متواصل ومثابر
avatar

ذكر
عدد الرسائل : 661
العمر : 25
العمل : طالب
المزاج : على كيف كييييييفك
تاريخ التسجيل : 30/10/2007

مُساهمةموضوع: رد: قصة فتاة سعوديه تموت ضحك دخل ماراح تندم   الأحد نوفمبر 18, 2007 7:22 pm

يعطيك العافيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سندباد فال
عضو فال
عضو فال
avatar

ذكر
عدد الرسائل : 238
العمر : 31
العمل : طالب
تاريخ التسجيل : 10/11/2007

مُساهمةموضوع: رد: قصة فتاة سعوديه تموت ضحك دخل ماراح تندم   الأربعاء نوفمبر 21, 2007 1:06 pm

يعطيك العافيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بسطويسي
مشرف عام للمنتدى
avatar

ذكر
عدد الرسائل : 520
العمر : 28
العمل : جزار
المزاج : شاي بلبن
تاريخ التسجيل : 22/11/2007

مُساهمةموضوع: رد: قصة فتاة سعوديه تموت ضحك دخل ماراح تندم   الثلاثاء نوفمبر 27, 2007 1:57 am

مشكور لاتحرمنا من موضيعك الحلوه

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fal1.all-up.com/
ميدنيو
عضو نشيط جداً
عضو نشيط جداً


ذكر
عدد الرسائل : 467
العمر : 26
العمل : 'طالب
تاريخ التسجيل : 14/12/2007

مُساهمةموضوع: رد: قصة فتاة سعوديه تموت ضحك دخل ماراح تندم   السبت ديسمبر 29, 2007 10:50 pm

ممشكووووووور ولا تحرمنا من جديدك
يعيطيك العافيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قصة فتاة سعوديه تموت ضحك دخل ماراح تندم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات فال للتزلج :: (¯`•.¸.منتديات فال الادبية.¸.•´¯) :: فال للقصص والحكايا-
انتقل الى: