قصتي مع الاندومي لاتفوتكم

في يومن من المرات كان الجو في الشتا واسمع الجوال يرن ....تريري ري ري تري ري ري تري ري ري رييييي <<<نغمه نوكيا الاصليه

الو

قلت هلا

قال احمد

قلت ايه انا احمد بغيت شي

قال عرفتني


قلت لا

قال ياخوي انا خويك

قلت بالله

قال ايه والله

قلت ياخوي ماعرف الا انت يعني

قال لا بس انا غير

قلت مسوي جده <<<توه يتعلم الذب

قال بسرعه الجو اووكي ونبي نطلع بسرعه

قلت وينك انت

قال انا قدام الباب اطلع

قلت طيب وخر من قدام الباب بجيب ابوي يلبق <<<اكبر همه الحين

قال ياخوي انا في وسط الشارع بعيد يالله بسرعه

قلت طيب وخر من وسط الشارع عشان ابوي يمر

قالت ياخوي انت ازعجتنا بابوك مافي الا هو بالرياض

قلت خلاص خلاص جايك بس خلني اجيب العزبه

قال لا لا لا تعال بس مانبي شي اخلص علي انا مستعجل

قلت معك كل شي اكيد

قال ايه

قلت حتى العفريته والخبز <<<انواع التوافق

قال ياخوي تراك قلق

قلت يالله يالله جايك

وانا الي البس سروال علاقي وبنطلون نص كم ...... ؟؟؟؟!!!!

مسوي قوي في هالبرد ... المهم

وانقز في الددسن واقول قداااام يا سنايدي وانا متحمس واجد

يناظرني بنص يعني ويقول انت شفيك سبك <<سبك=اهبل

قلت ياخوي بسرعه لا يفوتنا الجو الزين

قال حشى لو انه مسلسل

قلت اي مسلسل ؟

قال مو لازم شي مخصص انا قصدي عن اي مسلسل في التلفزيون <<<ياعمري يشرح هو وراسه

ويدز بالددسن ونستلم طريق الدمام القصيم <<وافلقني ان كان في طريق اسمه كذا

المهم الددسن موديل 63 وانواع المطامر وانا من كثر الهز والمطامر حسيت اني في حضن امي ونمت

ونوصل للمكان الي هو البر .... واشوف ماحد حولنا بلحانا بالبر لا مسكن ولا ماوى <<مسوي في افريقيا

بيني وبينكم الجو بااارد ومافي شي اتلحف بوه

وخوي مسوي قوي مثلي ماجاب شي يلبسوه

المهم وقفنا وقمنا نناظر ببعض

قلت له حسام حبيبي يالله انزل شب النار <<<مسوي اخلاق

ضحك ضحكه حقيرة وقال هاهااي يابعدي بدري عليك والله ما اشبها لو تمص ركبتك

سمعت انهم يدلعونك احمد الشباب <<<يعني الي يشب النار

وانا الي اتريش وافتح الباب حق الددسن ومشيت خطوتين ووقفت

خويي قام ينادي علي وانا ما ارد

المهم خاف علي ونزل وشافني .... قرب من عندي ودفني باصبعه بشوش

وانا الي اطيح كتله واحده واتكسر من الثلج الي علي <<<يناظر توم جيري واجد


المهم بعد محاولات صعبه شبينا النار وجلسنا وسطها من البرد

وانا الي اقوله والله الجو زين <<<يقالك يبي يواسيه

وهو يسلك لي يقول ايه والله ............عاد انواع التقطير من الخشم

المهم قلت له يالله بنصلح غدا

قال طيب

عاد الحين من الذيب الي بروح يجيب العزبه من الددسن

بعد مناوشات دارت نص ساعه قام وتبرع وراح للددسن

بعدها بشوي سمعت صوت صرخه قوية واحد يقول لااااااااااااااااااا لاااااااا لاااا لاااا <<<الصدى

قلت حوسام شفيك يابعدي

قال وهو يبي يصيح احمد بقولك شي بس قل والله ما اطقك

قلت ياخوي اخلص انت فاضي للطق اخلص وش المشكلة تراك روعتن

قال العزبه حطيتها بالددسن حق الجيران!!

قلت قل والله

قال والله

قلت تدري ياحسام لو اقوم اجلدك محدن بفازع معك

قال ليش

قلت لانه مافي احد في البر غيرنا

قال ايه والله صح <<<تلاحظون انهم سبايك شوي

قلت طيب وش السوات

قال خلينا نفكر بحل

قلت يامال الفيل الي يطب في سرك بلا قايل لك خلني اجيب العزبه وانت تقول كلش معي

قال طيب ياخوي انا جايبها بس حطيتها في الددسن حق الجيران

قلت وش الفايده دامك حطيتها في حق الجيران ما استفدنا شي

قال والله ياخوي الدداسن كثيرة في حارتنا تلخبط شوي

قلت له طيب كم موديل الددسن حق جيرانكم

قال 2002

قلت طيب وحقك

قال 63

قلت جعلك تموت قل امين

قال امين

قلت انت دابه ؟ ماتفرق بين الدداسن

قال ياخوي كلهن فيهن صندوق وكلهن غمارتين

قلت يا العنز القطبي الحين اخوك له خشم صح ؟

قال ايه

وانت لك خشم صح؟

قال ايه

قلت طيب الحين اهلك يفرقون بينكم

قال اكيد

قلت شفت انت واخوك عندكم نفس الشي بس اهلك يفرقون بينكم ..ليش انت مافرقت بين الدداسن

قال بس ياخوي انا عندي حبه خال في جبهتي عشان كذا اهلي يفرقون بيننا

انا بغيت اطرطع وانفجر قلت وخر من قدامي لاجلدك

مرت لحظاااااااات................


قال ايه ايه صح في اندومي قدام في السياره شاريه للشغاله ونسيته معي

قلت وش اسمها شغالتكم

قال ياخوي انت مريض ولا وشو ... وش تبي باسمها ...حنا بنموت وانت تسال عن اسم الشغاله الله يغربلك مير لو تشوفها والله ان تقول يازين ركبه عبادي الجوهر

قلت لا بس بشوف تشبه اسم شاغلتنا ولا لا

قال وش رايك نسوي اندومي ع الفحم

قلت انت صاحي ياخوي انا يالله اكله وهو مطبوخ بقدر (بريستو )

قال ذاك الي وهو يطبخ يقعد يصفر

قال عليك نووور ياخي انت فاهمني والله انك سنايدي

قال الله يسلمك

<<<وين هم وين حالهم

المهم قال يالله بسويه خلاص

قلت امري لله مافي حل غيره

ويجيك ويزبط الوضع ويطبخه على الفحم وانواع التراب الي طب في وسط الصحن غير القطرات المتطايرة من خشمه

المهم قام يحط من هالبهارت والريحه تصك في النخاااع لان بطني لصق في ظهري من كثر الجوع

ويخلص ويقول سمي يا احمد راح تدعي لي صدقني

قلت بسم الله الذي لايضر مع اسمه شيئ في الارض ولا في السماء وهو السميع العليم

ناظرني وهو مستغرب وقال حشى لو انك بتاكل (سم)0 ياخوي

قلت يارجال من بعد ماشفت نص يدك داخله وسط خشمك وانا داري انه مابوه خير في هالاندومي

قال ياخوي عادي اصلا كل المايكروبات المخاطيه تموت مع الطبخ على النار

قلت اووماا عااد المايكروبات حقتك تموت ؟؟ ياحبيبي حقتك لو حطوها في مجهر شافو ناس مسلحين

قال طيب كل لا يبرد

قلت طيب ياخوي خله يطبخ زود وش تبيني اكل مكسرات اندومي ؟

قال لا ماعليك هذي الخلطه السريه


قلت ايه طيب الله لا يعقب شر

المهم واسحب خيط اندومي وانا رافعن اصبعي السبابه اتشهد وصاك خشمي كني بشرب دوا <<<حشى كم يد لك؟

واكل ...واسمع انواع القرمشه من الحماس قلت رهيبه ياتسالي

واناظر خويي والنيران تشب من وجهي وبردانين ونرتجف وجالسن نسحب من ذي الخيوط الله يكرم النعمه وانواع السيلان في الخشم <<<جديد هالمرض
_________________

وين الردود

مشكور اخوي ولاتحرمناا من مواضيعك وتقبل مروري المتاخر

مشكور وماقصرت

مشكور لاتحرمنا من موضيعك الحلوه

مشكووووووووووووووووور
يعطيك العافيه